UPC NEI, Kohhran Hla Bu
Libros
$9.00 · Diseñada para iPad. No verificada para macOS.
CHHUT SARIHNA THUHMAHRUAI
United Pentecostal Church Mizorama a din tirh lam, India ram pawh National Superintendent pakhat awpna hnuaia a la awm vek lai khan Kohhran Hla Bu a hming maiin buatsaih a lo ni tawh a. Chumi hnu, Mizoram pum District pakhata a la awm vek laiin kum 1958 Khawmpui lianah Kohhran Hla Bu lo awm tawh chu siam ţhaa hla bu pangngaia chhut chhuah ni se, tih rel a ni a. Chumi bawhzui chuan District Board Committee rorel no. 4 dt.28-8-1961 chuan Kohhran Hla Bu copies 3000 chhut turin a rel a. Chumi ang chuan Kohhran Hla Bu, Press-a chhut hmasak ber chu kum 1962-ah tihchhuah a ni a.
Mizoram chu District pahnih: North Mizo District leh South Mizo District-a then a nih hnuah North Mizo District Board 1967 October thlaa ţhukhawm chuan Kohhran Hla Bu chhut nawn leh chungchang a ngaihtuah a, South Mizo District te nen inberawnin chhut hnihna chu 1969-ah tihchhuah leh a ni. Chhut thumna aţanga chhut ngana thleng erawh chu North Mizoram District-in a buaipuiin a kutken chho zui ta a ni.
Hun a lo kal zel a, North East India pumpuia hman tur Kohhran Hla Bu buatsaih hna chu North East India General Headquarters kutah awm tawh se tih tha zawka hriat a nih avangin North East India Executive Board rorel no 3, dt. 14-20th April, 2000 chuan edition lo awm tawhsa chhunzawmin Kohhran Hla Bu chhut rukna buatsaih a rel a. Chumi lo bawhzui tur chuan Publication Board Committee pawh din a niin kum 2003-ah chhut rukna chu tihchhuah a ni ta a ni.
Hemi hnuah hian Executive Board Committee rorel no. 8 dt 14-18th April, 2011 chuan Kohhran Hla Bu chhut thar ni se tih a rel leh a. A bawhzui hna chu Literature & Publication Board kutah dahin rawtna nei duhte tan July 2011 thleng hun hawn a ni a, rawtna hrang hrangte ngun taka thlir chungin tun ami ang hian chhut sarihna chu buatsaih peih a lo ni ta a ni.
He hla bu chhut tharah hian chhut rukna chu behchhanah hman a ni a, hla dang eng emaw zat thun belhin hla 651 dah a ni a, a tam ber ţum a ni. Tin, hla thu pawh a phuahtuten an phuah dan dik tak a theih chen chenah chuan zui a ni a, hla lehlin hote pawh a lehlin dik zawk nia lang te zui a ni bawk.
Hla thupui ţhen dan pawh chhut ruknaa mi tidanglam lovin a hnuaia mi ang hian dah chhunzawm zel a ni:
01. Lal Isua Pianna 001 - 063
02. Lal Isua Chawimawina 064 - 190
03. Lal Isua Tuarna 191 - 274
04. Lal Isua Thawhlehna 275 - 277
05. Thlarau Thianghlim 278 - 284
06. Chanchin Ţha Puandarhna 285 - 321
07. Rinna 322 - 340
08. Lal Isua Lo Kal Lehna 341 - 357
09. Ţawngţaina 358 - 401
10. Naupang Hla 402 - 433
11. Thihna Leh Nakin Hnu lam 434 - 619
12. Hun Bik Nei 620 - 651
Tin, phek tinah hla thupui, a phuahtu hming leh a letlingtu hmingte dah theih chin chin dah a ni a. A phek vei lam chung hla number bula mi hi hla bu dang hming a ni a, a chung ding lama mi hi a phuahtu hming a ni a, a phek hnuai ding lama mi hi a letlingtu hming a ni. Hengte hi a dik ber nia kan hriat anga dah a ni a, tihsual Palh a awm chuan ngaihdam kan dil e.
Pathian hian kan theihna zawng zawnga fak leh chawimawi a phu a. Heng fakna hlate hmang hian amah fakin a hnenah chawimawina sang ber i hian ang u.
Calificaciones y reseñas
- Esta app no ha recibido suficientes calificaciones ni reseñas para mostrar un resumen.
El desarrollador (Mangtinlal Haokip) indicó que las prácticas de privacidad de la app pueden incluir el manejo de datos que se describe a continuación. Para obtener más detalles, consulta la política de privacidad del desarrollador .
No se recopilan datos
El desarrollador no recopila ningún dato en esta app.
Accesibilidad
El desarrollador aún no ha indicado cuáles funciones de accesibilidad admite esta app. Obtén detalles
Ficha técnica
- Vendedor
- Mangtinlal Haokip
- Tamaño
- 113.3 MB
- Categoría
- Libros
- Compatibilidad
Requiere iOS 15.6 o posterior.
- iPhone
Requiere iOS 15.6 o posterior. - iPad
Requiere iPadOS 15.6 o posterior. - iPod touch
Requiere iOS 15.6 o posterior. - Mac
Requiere macOS 12.5 o posterior y una Mac con el chip M1 de Apple o posterior. - Apple Vision
Requiere visionOS 1.0 o posterior.
- iPhone
- Idiomas
- Inglés
- Edad
4+
- 4+
- Copyright
- © 2026 Kholhang Connect
