e-Tabib Brazil L +4

COVID-19 ilə bağlı məlumatlardan əlavə digər tibbi və icbari tibbi sığorta haqqında şəxsi məlumatlarla onlayn qaydada tanış olmaq üçün yeni versiyada “e-Tabib” mobil tətbiqini yüklə!
Mobil tətbiqə 2 üsulla daxil olmaq mümkündür: AsanLogin və mobil nömrə ilə
Mobil nömrə ilə daxil olduqda:
- COVID-19 və faydalı tibbi məlumatlarla tanış olmaq;
- İcbari Tibbi Sığorta üzrə Dövlət Agentliyinə müraciət ünvanlamaq mümkündür.
Faydalı tibbi məlumatlara daxildir:
- Tibb müəssisələrinin xəritə üzərində koordinatları;
- Xidmətlər Zərfinə daxil olan tibbi xidmətlərin siyahısı;
- Milli Peyvənd Təqvimi;
- Ən çox verilən suallar;
- Tibbi xidmətlərin onlayn ödənişi.

AsanLogin ilə daxil olduqda, yuxarıda qeyd olunan məlumatlarla yanaşı:
- Şəxsi məlumatlarla;
- Laborator analiz nəticələri ilə tanış olmaq mümkündür.
Şəxsi məlumatlara daxildir:
- Tibb müəssisələrinə edilən müraciətlər;
- Həkim tərəfindən təyin olumuş diaqnoz;
- Göstərilmiş tibbi xidmətlər;
- Göndərişlər barədə məlumatlar/göndərişlərin elektron forması;
- Tibbi arayışlar barədə məlumatlar/arayışların elektron forması;
- Müraciətlərin qiymətləndirilməsi;
- İcbari tibbi sığorta şəhadətnaməsi.

Mobil tətbiqə Şəfa maskotu əlavə edilmişdir. Şəfa Sizin tibbi bələdçinizdir. O Sizə tətbiqin istifadəsində köməklik göstərəcək. Tətbiqdə həmçinin “İstifadəçi təlimatı” da yer alır. Tətbiq davamlı olaraq təkmilləşdiriləcək, funksionallığı artırılacaq və vətəndaşlar üçün istifadəyə daha da yararlı olacaqdır.
Yeni versiyada tətbiqə daxil olduqda Bluetooth və GPS məlumatlarınızı açmağınız və ya paylaşmağınız tələb olunmur. Covid - 19 xəstəsi ilə əlaqə haqqında məlumatın bildirişi və Gündəlik yoluxma faktları haqqında məlumat yoxdur.