Screenshots

Description

Dát applikašuvdna galgá veahkkin ovdánahttit máná guldalanvuogi. Applikašuvnnas mánná oahppá earuhit jienaid ja čatnat jienaid govaide, muhto maiddái hárjehallat muittu.
Applikašuvdna heive 2-jahkásaš mánáide ja boarráseappuide.
Applikašuvnnain sáhttá bargat ovttain mánáin dahje unnit mánnájoavkkuin, 2 oasálasti. Pedagoga ferte heivehit barggu máná dássái.


Jienat applikašuvnnas leat 6 kategoriijas:
· Eallit ja lottit
· Beaivválaš teknihkalaš dávvirat
· Olbmo jienat
· Vuojánat
· Luondu
· Seaguhus


Dásit ja dan geavaheapmi

Ulbmiliin lea ovdánahttit máná muittu ja giela. Mánná galgá oahppat ja dovdat jienaid, ja diehtit mii jienaid gullo.
Applikašuvnnas galgá mánná diehtit ja gullat makkár jienat ja govat gullet oktii.
Go applikašuvnnain áigu bargat, de ferte leat jaskat vai jienat eai jávkka eará jienaide.
Mánás ferte leat maiddái doabaáddejupmi ovdalgo bargagoahtá applikašuvnnain, ja diehtit mii jienaid gullá govvii.

Rávvagat pedagogaide: Dehálaš diehtit go barggat guluin


Gullanáiccut

Áiccut leat dehálačča fysalaš, emošunála ja intellektuála ovdáneapmái.
Dan maid oaidnit, gullat, haksit ja dovdat muitala midjiide mo máilbmi min birra lea justa dál.
Gullu ja oaidnu leat dehálaš gáiddusáiccut. Gullu addá midjiide dieđu min birrasa birra. Gullu lea dehálaš min beaivválaš doaimmaide. Gulu bokte mii álkidit gulahallat earáiguin.
Dávjá sáhttá leat váttis oažžut oppalaš gova gulu bokte, dat lea álki massit muhtin jienaid ja fuobmát lihkastagaid mat eai gullu.
Go gullat jienaid, de gáibiduvvo ahte eai gullo menddo ollu eará jienat vai gullat dan jiena maid áigot guldalit.
Go mii gullat jienaid, de ferte beallji ja vuoigŋašat ovttas doaibmat. Go olmmoš gullá jiena, de vuoigŋašat tulkojit dan jiena, ja mii áddet maid jienaid leat gullan.
Jietna rievdá máŋgii dan rájes go ráhkaduvvo, dassá go olle vuoigŋašiidda. Jietna álgá go mii ovdamearkka dihte dadjat sáni, dalle áibmu manná jietnabátti meattá. Jietnabáttit bidjet áimmu birrasis johtui. Jietnabárut mannet bealljecuozza, bealljeoarádat, gaskkabeali, sisbealji ja gullunearvva bokte ovdal olle vuoigŋašiid guldalanguovddážii.
Go jietnasignálat bohtet vuoigŋašiid guldalanguovddážii, de vuoigŋašat dulkojit jienaid, ja dalle mii áddet mii dat jienaid lea.


Gullu ja biras

Mii čatnat oktii jienaid ja vásáhusaid. Movttegis jietna dahje suhttan jietna muitala midjiide mo olbmo mokta/miella lea.
Go gullat jienaid, de mii ráhkkanišgoahtit dasa mii boahtá. Gulu bokte oažžut dieđuid birrasa birra ja jienat muitalit jus juoidá rievdá nugo omd. go mánná fáhkka jaskkoda stoagadettiin dahje buollinalárbma čuodjagoahtá.
Gulus lea dehálaš dieđihandoaibma. Seammás go don leat eará bargamin, de don sáhtát gullat mii daddjojuvvo, dahje go gulat uvssa giddaneamen, de dieđát ahte muhtun govččai uvssa ja manai dahje muhtun bođii sisa.
Gulus leat hehttehusat. Jienat eai muital seamma ollu birrasa birra go oaidnu. Dávjá lea váttis áddet buot mii geavvá jus dušše gullá jienaid.

App Privacy

The developer, Davvi Girji, has not provided details about its privacy practices and handling of data to Apple. For more information, see the developer’s privacy policy.

No Details Provided

The developer will be required to provide privacy details when they submit their next app update.

Information

Provider
Davvi Girji AS
Size
42 MB
Category
Education
Compatibility

Requires iOS 8.0 or later. Compatible with iPhone, iPad and iPod touch.

Languages

English

Age Rating
4+
Copyright
Price
65,00 kr

Supports

  • Family Sharing

    Up to six family members will be able to use this app with Family Sharing enabled.

More By This Developer

You May Also Like