Yangi so'z taklifi. «Murojaatlarim» bo'limidagi «+» tugmasi orqali lug'atda yo'q so'zni ta'rifi bilan taklif qiling. Moderator uni lug'atga qo'shsa — sizga 3 aqcha. Jang natijasini ulashish. So'zjang va G'uncha jangining natijasi endi chiroyli rasm bo'lib chiqadi. Yangso'z bosh ekranda. Haftaning tushunchasi, qolgan kunlar va sovrin — turnir ochiq bo'lganda kartochka bo'lib ko'rinadi. Profilni ulashish. O'z profilingiz havolasini do'stlaringizga yuboring. Profil ko'rishlari aniqroq. Har bir ochilish alohida qator bo'lib, o'z vaqti bilan turadi. Takroriy nishon. Bir nishonni qayta olsangiz, tabrik «nechanchi marta» ekanini aytadi. Shuningdek: mayda tuzatishlar va barqarorlik.

Do‘stlar qo‘shildi: profildan do‘stlik so‘rovi yuborasiz, javobdan keyin jangga chaqirasiz. Notanish odamdan chaqiruv kelmaydi. • Bildirishnomalar — so‘rov, rozilik va chaqiruv bir joyda. • Yangi nishon olsangiz tabrik oynasi chiqadi. • Kunlik so‘zlar arxivi: o‘tkazib yuborgan 30 kunni o‘ynang. • G‘unchada yordam: qolgan so‘zlar shakli, so‘ng bitta ta’rif. • G‘uncha jangi uch soniyalik sanoq bilan boshlanadi. • Darajalar zinapoyasi uzaydi: Alpgacha yo‘l ancha uzun.

Unvonlar keldi • 20 ta unvon — kunlik seriya, topilgan so‘zlar, jang g‘alabalari va boshqa yutuqlar uchun. Har biri bir marta olinadi va qaytib olinmaydi: seriya uzilsa ham, reyting tushsa ham o‘zingizda qoladi. • Har unvonning o‘z nishonchasi, nomining ma’nosi va qanday olinishi yozilgan. Olinmaganlarida esa qancha qolgani ko‘rinib turadi. • Olingan unvonni rasm qilib ulashish mumkin — kunlik natija kabi. • Olingan unvonlaringiz profilda turadi. Tuzatildi: kunlik o‘yin tugagach olingan aqcha ekranda haqiqiysidan ko‘p ko‘rsatilardi. Hisobingizga to‘g‘ri yozilgan — faqat yozuv noto‘g‘ri edi.

• Boylik: aqcha va o‘lja endi bitta songa yig‘iladi • Reyting «Bugun · Boylik · O‘lja» bo‘limlariga bo‘lindi • Profildan g‘uncha jangiga ham chaqirish mumkin • Topilmay qolgan so‘zni jang tugagach ochish mumkin • Lug‘at kengaydi: 577 ta yangi yashirin so‘z • Profil rasmlari aniq ko‘rinadi • Taslim bo‘lgan odam endi raqibni kutmaydi • Ball hisobi va jang yozuvidagi xatolar tuzatildi

Ballaringiz endi AQCHA deb ataladi: 1 aqcha = 10 ball. Hisobingiz o'nga bo'lindi — hech narsa yo'qolmadi, faqat son qisqardi. • Onlayn jangdagi reyting — O'LJA. Uni raqibingizdan olasiz: 1 o'lja = 2 reyting balli. • Darajalar o'nta bo'ldi: Chopardan Alpgacha, har biriga o'z nishoni. • Kunlik so'z 20 aqchagacha beradi; yakka o'yinda esa qancha urinish qolsa, shuncha aqcha. • Yordam olsangiz shift tushadi: 8 → 6 → 4 aqcha. • Bosh ekran tezroq ochiladi.

• So'zjangda mavzuni ochish uchun reklama ko'rish olib tashlandi — jang endi reklamasiz. • Profildagi «Jangga chaqirish» tugmasi: raqibni So'zjangga ham, G'unchaga ham chaqirish mumkin — qaysi o'yinga ekani tugmadan keyin tanlanadi.

So‘zgir 1.3.6 • Do‘stni jangga chaqirish endi tanlov bilan: profildagi «Jangga chaqirish» tugmasi So‘zjang yoki G‘uncha jangini taklif qiladi. Raqibga qaysi o‘yinga chaqirilgani ko‘rinadi va qabul qilgach ikkalangizga ham o‘sha o‘yin ochiladi. • Topolmay qolgan so‘z natija ekranida xira turadi — uni reklama ko‘rib ochish mumkin. Ball va statistikaga ta’sir qilmaydi.

Lug'at • Lug'at tozalandi: manbada tasdig'i yo'q so'zlar olib tashlandi, qabul qilinadigan so'zlar 76 500 dan 54 000 ga tushdi. G'unchada «iini», «inin» kabi so'z bo'lmagan yozuvlar ham o'tib ketayotgan edi. Javob so'zlarga tegilmadi. Bosh ekran • Tezkor jang tugmasi qo'shildi: har besh soniyada «Tezkor So'zjang» va «Tezkor G'uncha» bo'lib almashadi, bitta bosishda raqib qidiriladi. • Kun boshida ilova ochilganda kunlik o'yin o'zi ochiladi. • Mehmonda ism ostidagi ball qatori endi chiqmaydi. Ball va jadvallar • Ball jadvallari muzlab qolmaydi, bugungi ball shishmaydi. • G'uncha maydonida o'z kartochkangizda ham topilgan so'z soni turadi. • Qasos qabul qilinganda tugagan g'uncha jangi ekranda qolib ketmaydi.

• G'unchada endi lug'atdagi barcha so'zlar qabul qilinadi • G'uncha uchun yangi darslik • Kunlik o'yin balli endi yo'qolmaydi • Yangi qo'llanma: bosh ekran tanishtiruvi va «Qanday o'ynash»

Yangi: bosh ekranda «Bugunning eng zo‘ri» kartochkasi — bugun barcha o‘yinlarda eng ko‘p ball ishlagan o‘yinchi. Reytingda «Bugun» jadvali paydo bo‘ldi. Kun yakunida g‘olib «Kunning eng zo‘ri» yozuvini oladi: u profilda qoladi va statistikada necha marta bo‘lganingiz ko‘rinadi. Tuzatildi: g‘unchada qasos chaqiruvi noto‘g‘ri ekranni ochardi; jangdan chiqib qaytilganda yig‘ilgan ball nolga tushib ko‘rinardi.

Mardu maydon ishga tushdi! Jang endi ikki kishilik emas: bitta havola bilan sakkiztagacha odam bir vaqtda o'ynaydi, oxirida umumiy jadval chiqadi. So'zjangda ham, G'unchada ham — qoidalar o'sha, faqat raqib ko'p. • Profilingizni kim ochgani endi ko'rinadi: ism, vaqt va necha marta. • G'unchaning o'z bosh sahifasi paydo bo'ldi. • Reyting jadvallari qayta ishlandi. • Ilovada reklama paydo bo'ldi — loyiha shu hisobdan yashaydi. So'z ma'nosini yoki profil ko'rishlarini ochish uchun reklama taklif qilinadi, lekin majburiy emas: ko'rmasangiz ham o'yin to'liq ishlaydi. • G'unchadagi qasos tuzatildi — qayta chaqiruv endi to'g'ri o'yinni ochadi.

YANGI O‘YIN — G‘UNCHA Gul shaklidagi yettita harf: o‘rtada yurak harf, atrofida oltita barg. Shulardan iloji boricha ko‘p so‘z yasaysiz — o‘rtadagi harf har so‘zda qatnashsin. Har kuni yangi g‘uncha, topilgan so‘zning ma’nosi yonida. G‘unchani onlayn ham o‘ynaysiz: uch daqiqa, jonli raqib, kim ko‘proq so‘z topadi. Tezkor jang, do‘stni chaqirish yoki yaqindagilar bilan bellashuv — yutqazsangiz qasos tugmasi shu yerda. YANA NIMA YANGI • Bosh ekran qayta ishlandi: yakka va onlayn o‘yinlar alohida • Umumiy ball, onlayn ball va har o‘yinning reytingi — hammasi ko‘rinadi • Janglar tarixi bitta ro‘yxatda, natija ekranlari yangilandi • Profilingizni kimdir ochsa xabar keladi • Siz kiritgan, lug‘atda yo‘q so‘zlar yig‘iladi va tekshirilgach qo‘shiladi • Ro‘yxatdan o‘tish endi telefon raqam bilan Qattiq rejim va reyting hisobi ham to‘g‘rilandi.

• So‘zjangda endi raqibga reaksiya yuborasiz: belgi raqib ekranida jonli animatsiya bilan chiqadi va tebranish bilan sezdiradi. • Jang boshlanishidan oldingi sanoqda ikkalangizning reytingi ko‘rinadi — kim bilan bellashayotganingiz oldindan ma’lum. • Jang natijasi bir ekranga sig‘di: endi hech narsani aylantirib qidirish shart emas. • Topilgan so‘zning ma’nosi natija ekranida chiqadi — o‘yin ham, lug‘at ham bir joyda. • Taxmin tekshirilayotganda qator bo‘ylab yorug‘lik yuguradi: kutayotganingiz bilinib turadi. • Bosh ekran ixchamlashdi — modullar bir qarashda ko‘rinadi. • Natijadan «Yangi raqib» tugmasi to‘g‘ridan to‘g‘ri qidiruvga olib boradi. • Mayda tuzatishlar va barqarorlik.

• So‘zjangda «Qasos». Natija ekranidan raqibga darhol javob jangi taklif qilinadi. • Reyting ko‘z oldida hisoblanadi. Natija ekranida son eskisidan yangisiga sanaydi, daraja yo‘lagi esa qaysi darajada turganingizni, keyingisi qanday atalishini va necha ball qolganini ko‘rsatadi. Reyting endi serverda hisoblanadi — ikki o‘yinchida bir xil. • Ochiq profilda yangi ko‘rsatkichlar: so‘z boyligi, o‘rtacha ball, so‘zjang natijalari va so‘nggi faollik. • «So‘zgirlar davrasi» — bosh ekrandan Telegram guruhiga chaqiruv: yangi so‘zlar, jangga hamroh va o‘yin yangiliklari. • Profil yengillashdi: hisob, sozlamalar, yordam va ilova ma’lumotlari alohida sahifalarga bo‘lindi — bitta uzun ro‘yxat qoldi. • Tuzatishlar: hisob almashganda eski taxallus qurilmada qolib ketmaydi; jang tugaganda taxmin termagan o‘yinchi «Taxmin terilmadi» deb ko‘rsatiladi.

So'zjangga chaqirish — reytingda ko'rgan o'yinchining profiliga kiring va «So'zjangga chaqirish» tugmasini bosing. Raqibga xabar boradi, qabul qilsa jang darhol boshlanadi. Yangi arena — raqibni kutish va 3-2-1 sanoq ekranlari jang afishasiga aylandi: chapda siz, o'ngda raqib, o'rtada «VS». Kodni bir bosishda nusxalash mumkin. Raqib kirganda, sanoqda va jang boshlanganda telefon buni tebranish bilan bildiradi. Profil — sozlamalar aniq bo'limlarga ajratildi. Mavzu va alifbo endi aylanma tugma emas, barcha variantlar ko'rinadigan tanlov oynasi. Reyting — to'liq ro'yxatda va reyting sahifasida o'yinchilarning profil rasmlari ko'rinadi. Tuzatishlar — javobsiz qolgan chaqiruv «kutamiz» oynasida osilib qolmaydi; taxallus o'zgartirilganda So'zjang reytingida ham yangilanadi; kunlik so'z e'loni endi hammada standart yoqiq.

Endi So'ztop uchta alifboda! • Kirill, lotin va yangi lotin — o'zingizga qulayini tanlang. Butun ilova, jumladan o'yin harflari ham, tanlangan alifboda ko'rinadi. • Alifboni istagan payt Profil → Alifbo bo'limidan almashtirasiz, o'zgarish darhol seziladi. • Ilovaga birinchi kirishda alifbo tanlash oynasi qo'shildi. • Ilova logotipi yangilandi.

So‘zjang yanada adolatli va qulay bo‘ldi. • Raqib so‘zni oldinroq topib, sizda o‘tib ketish imkoni qolmasa, jang o‘zi yakunlanadi — bekor urinib o‘tirmaysiz. • Natija ekranida jang qancha davom etgani va har kim so‘zni qancha vaqtda topgani ko‘rinadi. • Jang paytida telefon silkinishi endi «Yaqindagi raqiblar»ni ochib yubormaydi, o‘yiningizdan chalg‘imaysiz. • Jangdan chiqish faqat taslim bo‘lish orqali — raqibingiz kutib qolmaydi. • Natijadan keyin bir bosishda yana So‘zjang bo‘limiga qaytasiz. • Silkitishni aniqlash yaxshilandi: tasodifiy harakatlar hisobga olinmaydi.

Natijani ulashish butunlay yangilandi. • Natija endi rasm bo‘lib ulashiladi: qaysi o‘yin, nechanchi urinishda topganingiz, ball va taxminlar to‘ri — bitta chiroyli kartochkada. Yashirin so‘z yozilmaydi, spoyler yo‘q. • Ulashishdan oldin o‘zingiz tanlaysiz: faqat matn yoki matn + rasm. Nima yuborilishini oldin ko‘rasiz. • Telegram, Instagram va boshqa ilovalarga bir bosishda ketadi. • O‘yin tugagach chiqadigan gaplar yangilandi: natijangizga qarab o‘zgaradi.

So‘zjang tuzatildi • Tezkor jang va do‘st bilan bellashuvda taxmin qabul qilinmay qolayotgan xato yo‘q qilindi — endi har bir taxmin serverda tekshiriladi. • O‘yin davomida ilovadan chiqib qaytsangiz, terilgan so‘zlaringiz va ranglar joyida qoladi. • Jangga qaytganda boshlanish sanog‘i qaytadan chiqmaydi, vaqt ham noldan boshlanmaydi.

Yangi imkoniyatlar • Yangso'z moduli qaytdi — so'z taklif qiling, ovoz bering, g'oliblarni ko'ring. Bosh ekrandagi modullar endi kattaroq, rangli va izohli. • Lug'at kengaydi: 594 ta yangi javob so'zi qo'shildi, jami 2 898 ta. Har biri ta'rifi va kategoriyasi bilan. • Eslatmalar: o'zingiz tanlagan vaqtda kunlik so'z eslatmasi va ketma-ketlik uzilib qolmasligi uchun kechki qo'riqchi. Profil > Bildirishnomalar. • So'zjang chaqiruvlari: kimdir sizni jangga chaqirsa xabar keladi, ilova yopiq bo'lsa ham. • Havolalar: do'stingiz yuborgan jang havolasi endi brauzerda emas, to'g'ridan-to'g'ri ilovada kerakli ekranda ochiladi. • Boshqa o'yinchilarning ochiq profili: reyting jadvalidagi qatorni bossangiz — o'sha o'yinchining umumiy balli, topilgan so'zlari, jadvaldagi o'rni va bellashuv reytingi. • Kunlik natijani ulashganingizda havola aynan o'sha kungi so'zga olib boradi. Yaxshilanishlar • So'zjangda o'ynash uchun endi email bilan bog'langan hisob kerak — reyting va natijalar qurilma bilan yo'qolib ketmasin. • Raqib o'ynab bo'lishini kutish ekrani jonlandi: kutish belgisi va almashib turadigan izohlar. • Barcha "rostdanmi?" savollari endi ilova uslubidagi pastdan chiquvchi oynada. • O'yin natijasi alohida sahifada, ulashish va murojaat tugmalari tartibga solindi. • Bosh ekranni pastga tortib yangilash mumkin. • Chaqiruvni qabul qilish yoki rad etishda kutish ko'rsatkichi chiqadi. Tuzatishlar • Serverdan kelgan lug'atda so'zlarning kategoriyasi va ta'rifi yo'qolib qolardi — tuzatildi. • So'zjangdan qaytganda ro'yxat yangilanmasligi va noto'g'ri ekranga o'tish tuzatildi.

So‘zjang — endi boshqa o‘yinchilar bilan o‘ynaysiz: • Tezkor jang: onlayn raqib bir necha soniyada topiladi. • Do‘stingizga kod yuboring yoki yaqin atrofdagilarni ko‘ring. • Telefonni silkitsangiz, yaqindagi o‘yinchilar ro‘yxati o‘zi ochiladi. • G‘alabalar reyting va daraja olib keladi. Yana: • Reyting va statistika — barcha ko‘rsatkichlaringiz bitta ekranda. • O‘ylab qolsangiz, yordam o‘zi taklif qiladi: avval so‘z mavzusi, keyinroq ma’nosi. • Birinchi kirishda o‘ynab o‘rgatadigan qisqa ekran. • Nomaqbul taxallus va xatti-harakatlarga qarshi shikoyat va bloklash. • Kichik tuzatishlar, tezlik va barqarorlik.