من خلال تجربتي للتطبيق لمدة يومين حتى الان، احب اقولكم انه تطبيق فكرته رهيبه وصدمني مدى الذكاء الاصطناعي الي أُستخدم فيه هذا التطبيق! اي عملية شرائية المفروض يدخلها تلقائي بدون ما اعبيها في التطبيق وفوق هذا تطبيق سلس وواجهة المستخدم فيه رهيبه ومب تسليكي يعني حرفيا متعوب عليه وبعد البحث اكتشفت انه تطبيق شبه حكومي يعني تطبيق رسمي! حاولت ابحث اكثر عن المطورين لكن ما لقيت اجابة وودي اعرف مين الاشخاص القائمين عليه وقصة التطبيق، من ناحية اخرى اتمنى انه يتطور اكثر ويتحسن لأن فيه بعض المشاكل. أدعم هذا التطبيق وبقوه وراح انشره في كل مكان عشان ما يخسرون ويوفقونه، اتمنى جد انه ما يُسحب عليه لأنه رهيب، لي 6 سنوات اجرب تطبيقات نفس الفكرة ولكن كلها اجنبية عدا واحد عربي وسيء مع الاسف حتى المطور سحب عليه، فـ انا جدا سعيده بأنه يوجد تطبيق كهذا وعربي سعودي ومن خلال تجربتي فيه لمدة يومين فقط اكتشفت انه من افضل تطبيقات المصاريف بالعالم مقارنتا بكل التطبيقات الي استخدمتها، احييكم وبحاول ادعمكم بقدر الإمكان، انا مهندسة مختبر برمجيات اتمنى اذا فيه بيتا ولا تجارب قبل اصدار اي ميزة اقدر اجربها واختبرها لكم حيث انه تجربة المستخدم مهمة قبل انطلاق ميزة بشكل رسمي، لأن فيه ميزات كثيرة فيها مشاكل ومو واضحه في التطبيق، وايضا اتمنى ان يكون هناك ميزة بالتطبيق وهي رفع المشاكل والاقتراحات لكم بدلا من الإيميل لأن فيه بعض المشاكل ودي تحلونها طالعه لي بالتطبيق وايضا عندي اقتراحات كثيرة اتمنى اضافتها وتحسينها بالتطبيق وشكرا.

التطبيق جيد و خاصة ماكرو النسخ و اللصق ، غير ان رسالة ان التطبيق تحت الصيانة و عد بعد دقائق يستمر لايام مزعج

اشتركت في التطبيق المدفوع واستخدمته لمدة وهو جيد باستخدام نسخ ولصق الرسائل لكن يعيبه عدم اعتماد بعض البنوك والبطاقات مثل أمريكان إكسبريس وللأسف الدعم الفني لايرد حيث سبق وارسلت لهم ولم يتجاوبوا

تجربتي طويلة المدى مع وفير، للاسف السلبيات كثيره و يوجد بديل مجاني و افضل:- تكلفه يعتبر غالي على محدوديته- تحديد عدد ٥٠ عمليه مقرف جدا و غبي لان البرنامج لا ينسخ في حال الجوال مقفل. و لا تقدر تنسخ عمليات الشهر او الاسبوع لان المطور حدد ٥٠ فقط. ولما كلمت المطور قال عملياتك كثير !!! - غير مشرع من البنك السعودي المركزي يعني ممكن يكون ثغرات امنية كبيره- لايوجد فريق دعم فني و لايوجد تواصل .- قد يكون احتمالية وجود ثغرات تسريب معلومات