بلّغنا إذا معلومات محطة غلط بآخر صفحة كل محطة رابط «معلومات المحطة غلط؟ بلّغنا». اختار شنو الغلط — الاسم، الموقع على الخريطة، مغلقة نهائياً أو ما موجودة، مو محطة بنزين، أنواع البنزين، مكررة — واكتب الاسم الصحيح أو توضيح إذا تحب. ما يحتاج موقعك، تكدر تبلّغ من البيت. يوصلنا مباشرة ونصلحه. الإعلانات الإعلان أعلى القائمة صار يقدر يكون صورة، وصار يظهر بصفحة المحطة تحت حالتها. وأول القائمة صار بيها بطاقة إعلانات تتقلب وحدها، وتكدر تسحبها بإصبعك. تغيير الإعلان كان يحتاج يوم حتى يظهر عندك، صار يظهر خلال دقائق. وجهني إلى المحطة إذا فتحت محطة وأنت بعيد عنها، بدل رسالة «ما تكدر تبلّغ من هنا» صرت تشوف كم تبعد عنها وزر كبير «وجهني إلى المحطة» يفتح الخريطة ويوصلك. لما توصل، ارجع لصفحتها وبلّغ عن وضعها. مواقع المحطات بعض المحطات لها موقع على الإنترنت، والضغط عليها بالقائمة أو الخريطة يفتحه مباشرة. البطاقة تكول «يفتح موقع المحطة» حتى تعرف. تحديث مطلوب لما يصير الإصدار اللي عندك قديم جداً، التطبيق يعرض شاشة وحدة تطلب التحديث مع زر للمتجر، حتى تبقى تشوف المعلومات الصحيحة.

خريطة المحطات تبويب جديد يعرض محطات محافظتك على الخريطة، كل محطة بلونها — أخضر مفتوحة، أصفر غير مؤكد، أحمر مغلقة — وعلى المفتوحة عدد السيارات بالطابور. نفس فلاتر القائمة (النوع، المفتوحة فقط) تشتغل على الخريطة. اضغط على أي محطة تطلع بطاقتها، واضغط البطاقة تفتح صفحتها. الخريطة من OpenFreeMap وبيانات OpenStreetMap. البلاغ أول شي سؤال «شنو وضع المحطة الآن؟» صار أول شي بصفحة المحطة، بزرّين واضحين: مفتوحة ومغلقة. وإذا نزلت لآخر البلاغات، زر «بلّغ عن الوضع الآن» يبقى معك أسفل الشاشة. طابور لكل نوع المحطات عندنا لها خط للعادي وخط للمحسن. إذا الاثنين موجودين، تشوف طابور كل نوع لحاله — بالقائمة، وبصفحة المحطة مع وقت آخر بلاغ لكل خط، وببطاقة المشاركة. كل بلاغ سريع يسمّي النوع اللي وقفت بطابوره، فالخطين يتحدثون من بلاغات الناس مباشرة. بلاغ أسهل • بطاقة جديدة للطوابير الطويلة جداً: +180 سيارة • البلاغ صار يُقبل من مسافة ٢ كم عن المحطة، حتى اللي بآخر طابور طويل يكدر يبلّغ • المحطة اللي تبيع نوع واحد، مثل محسن فقط، البلاغ بيها يعرض نوعها بس ومختار جاهز تصليحات • عدد السيارات كان يظهر مقصوصاً بعد تغيير حجم الخط والتطبيق مفتوح • صفحة المحطة صار لها زر رجوع حتى وهي تحمّل أو ما وصلها الإنترنت، ورابط المحطة المشارك يفتح ووراه القائمة • الأزرار كانت تنزاح تحت إصبعك أول ما تفتح القائمة أو تختار محافظتك • إذا الموقع مو متوفر، القائمة تعرض المحطات المبلّغ عنها أولاً بدل ترتيب بالأسماء • إشعار «وصل بنزين» صار يذكر النوع الصحيح، وإشعار «فتحت» يذكر الأنواع المتوفرة • إشعارات المحطات القريبة صارت تتبع مكانك الحالي، مو مكان تثبيت التطبيق

اختيار محافظتك أول ما تفتح التطبيق تختار محافظتك — وإذا الموقع شغّال نقترحها عليك — والقائمة والبحث يعرضون محطاتها. تكدر تغيّرها بأي وقت من الإعدادات أو من أعلى القائمة، أو تختار «كل العراق». شارك حالة المحطة من صفحة أي محطة اضغط «شارك حالة المحطة» وترسل صورة بحالتها الآن — مفتوحة لو مغلقة، البنزين المتوفر، الطابور، ووقت آخر تحديث — على واتساب وتلكرام، وعليها رابط التطبيق. نوع البنزين بكل بلاغ البلاغ السريع صار يسأل عادي، محسن، لو سوبر — ولازم تختار نوع واحد على الأقل قبل ما يوصل. قبل كان البلاغ اللي ما بيه نوع يتسجل «عادي» تلقائياً، فتطلع المعلومة غلط لما المحطة تبيع غيره. وإذا المحطة مفتوحة بس ما بيها بنزين، اختار «ما في بنزين» من البلاغ المفصّل. البلاغ يحتاج موقعك الحالي ما ينرسل أي بلاغ أو تأكيد إلا بعد ما يتحدد موقعك الحالي — مو موقع قديم محفوظ من قبل ساعات. وإذا الموقع مطفي أو ما انعرف، التطبيق يكلك شنو الناقص ويعطيك الزر اللي يصلحه. تصليحات • أول تشغيل للتطبيق صار من اليمين لليسار من البداية • صفحة المحطة المغلقة كان بيها مربع فارغ • «حوالي 0 سيارة» صارت «ما في طابور» • إذا الموقع مطفي، قائمة «الأقرب» صارت تكلك تشغّله بدل ما ترتب محطات بعيدة

محطات كل العراق صار التطبيق يغطي أكثر من ١٨٠٠ محطة وقود بعموم العراق، مو الموصل بس. وقوائم «آخر تحديث» و«أقصر طابور» تعرض محطات محافظتك إنت، مو محطة بعيدة بمحافظة ثانية. اتجاه الطابور بصفحة المحطة تشوف إذا الطابور دا يقصر، دا يطول، لو تقريباً مثل ما هو — محسوبة من بلاغات ناس كانوا قرب المحطة خلال آخر ٣٠ دقيقة. مؤشر تقريبي، مو توقع. تأكيد البلاغ إذا أنت بالمحطة وشايف إن آخر بلاغ بعده صحيح، أكّده بضغطة وحدة. وإذا صار تغيير، بلّغ بالتغيير. كل تأكيد يرفع ثقة بقية الناس بالمعلومة. ليش هذا مستوى الثقة صار تكدر تشوف شنو يحدد مستوى الثقة: عمر البلاغ، قرب صاحبه من المحطة، عدد البلاغات والتأكيدات المتفقة. أسماء أوضح تنظيف أسماء محطات وصلت ناقصة أو مكسورة، وشلنا منافذ الغاز ومعامل تعبئة الغاز — التطبيق للبنزين. تصليحات • التطبيق كان ينغلق أول ما يفتح عند بعض الأجهزة • الشاشة كانت ترجف وتطلب إذن الموقع مرة ورا مرة • القائمة كانت تتحدث وتقفز وإنت تقرا أو تكتب بالبحث — هسه تظل ثابتة والموقع يتحدث وراها • البحث صار أسرع وما يرسل طلب مع كل حرف